Министерот за надворешни работи на Русија, Сергеј Лавров рече дека наметнувањето доминација на НАТО и ЕУ може да има катастрофални последици.
-Обидите да се докаже дека НАТО и ЕУ имаат монопол на вистината и дека безбедноста и просперитетот се можни само во рамките на нивните граници се катастрофални. Доколку таквата логика е исправна, тогаш зошто ни е потребна Организацијата за безбедност и соработка -праша Лавров во Базел.
Тој зборувајќи на состанокот истакна дека ОБСЕ може да биде ефикасна, само доколку стане полноправна меѓународна организација и алатка за колективен одмор на заеднички предизвици.
Министерот за надворешни работи на Русија нагласи дека Москва и понатаму инсистира на мирно решавање на кризата во Украина и дека таа може да заврши само преку директен дијалог помеѓу Киев и самопрогласените републики во Доњецк и Луганск.
Нешто порано, американскиот државен секретар Џон Кери ја повика Русија да не се изолира сама себеси и наведе дека САД се обидуваат да избегнат понатамошна конфронтација.
Е. Г.