Властите во Лаос, соочени со се помалото производство на ориз, предизвикано од климатските промени, со поддршка на ФАО и кинеска и виетнамска помош, ќе се обидат со воведување на посовремен начин на одгледување на оризот да обезбедат доволно приноси од оваа житарица, што и во Лаос е основниата прехранбена намирница.
Без излез на море, оваа држава што се граничи со Кина, Виетна, Мјанмар и Тајланд, произведува околу милион тони ориз годишно, што ни од далеку не е доволно да се прехрани седум милионското население.Поради недоволните приноси и приходи што се остваруваат од оризот, илјадници жители на Лаос, велат, се принудени да се вкључат во бизнисот со наркотици во нивниот дел на познатиот „Златен триаголник’’.
Со прилично голема помпа властите во Лаос најавија дека од оваа есен во државата ќе започне механизирано садење на оризот и ќе се обезбеди наводнување и во сушните периоди, кога водите на Меконг не се доволни да ја надоместат сушата. Механизацијата ќе треба да замени најмалку по 30 работници, кои беа неопходни да се посее еден хектар под ориз дневно. Се очекува дека во не толку екстремно изостанување на монсунските дождови Лаос може да почне да остварува и две жетви на ориз годишно.