Британскиот министер за надворешни работи Дејвид Лами изјави дека Владимир Путин мора „едноставно да прифати“ безусловен прекин на огнот и дека не смее да му се дозволи да има право на вето за присуството на европските мировни сили во Украина.
Говорејќи на деловна конференција во Лондон, Лами рече: „Путин едноставно треба да прифати безусловен прекин на огнот. Тоа е планот што е на маса, ајде да продолжиме со тоа, што чекаме?“
Тој додаде дека на рускиот претседател не смее да му се дозволи да има вето врз безбедносната архитектура која ќе управува со тој мир, доколку се постигне договор за завршување на војната.