Курдите нема да им помогнат на ирачките сили во борбата против сунитските екстремисти, изјави високиот претставник на регионалната Влада на Курдистан, Фалах Мустафа Бакир, нагласувајќи дека курдските борци приоритет ќе и дадат на одбраната на својот регион.
– Нема да се придружиме кон ирачките сили бидејќи во Ирак нема војска, рече Бакир додавајќи дека ирачките сили доживеале пропаст.
– Имаат најсофистицирано оружје, но немаат морал, немаат лојалност и не веруваат во причината, затоа пропаднаа, нагласи Бакир.
Ирачката војска се повлече минатата недела од Северен Ирак поради налетот на сунитските екстремисти од групацијата Исламска држава во Ирак и Левантот.