Киргистанската полиција денеска соопшти дека спречила два напади кои во оваа централноазиска земја планирале да ја извршат припадници на џихадистичката група Исламска држава (ИД).
Во соопштението се посочува дека во текот на вчерашниот ден во акција на полицијата во киргистанскиот главен град Бишкек биле убиени шестмина екстремисти, а седуммина други биле уапсени.
– Сите тие се членови на џихадистичката група, се додава во соопштението.
Според полицијата, припадниците на ИД планирале да извршат напад за време на денешната молитва по повод Рамазан Бајрам на централниот плоштад во Бишкек, како и врз руската воздухопловна база во Кант.