Поради неуспешниот обид на коалициските партнери во чешката Влада да се договорат за кандидат за комесар на ЕУ од земјата, чешкиот премиер Бохуслав Соботка побара за тоа да се консултира со новиот претседател на Европската комисија, Жан-Клод Јункер.
Средбата, ќе се одржи денеска во 13.00 часот, во Брисел, јави дописникот на МИА од Прага.
Новиот чешки претставник во Европската комисија ќе се избира меѓу тројцата кандидати, Павел Мертлик, Јарослав Фалтинек и Вера Јоурова.
– Би сакал при консултациите да ги разгледаме можностите и потенцијалите на кандидатите и со одредена флексибилнист ќе можеме да се согласиме со господинот Јункер, изјави Соботка додавајќи дека без бриселски консултации изборот би бил ,,правење сметка без гостилничар”.
Според аналитичерите, неможноста на Чешка да истакне јасен кандидат за еврокомесар, може да ја ослабне позицијата на земјата.