Најмалку 47 лица, претежно странски државјани, се повредени денеска во судир на два туристички автобуси на автопатот во западниот дел на Токио, соопшти полицијата.
Никој од повредените не е во животна опасност, а судирот се случил околу 10.15 часот во близина на влезот во тунелот Коботоке на автопатот, јави Кјодо.
Автобусите претходно тргнаа од железничката станица во Токио и патуваа до езерото Кавагучи во соседната префектура Јаманаши.
Според полицијата, несреќата се случила кога возачот на вториот автобус не забележал дека возачот на првиот автобус закочил.