Претседателот на Франција, Франсоа Оланд и премиерот на Италија, Марио Монти, постигнаа договор за план за изградба на железнички тунел низ Алпите, кој ќе ги поврзе нивните две земји.
Договорот се однесува на начинот на финансирање на брзата пруга која преку Алпите ќе ги поврзе Лион во Франција и Торино во Италија.
Изградбата на оваа пруга ќе чини 26 милијарди евра, пренесува агенцијата АФП.
Планот за изградба на тунелот наиде на жестоко противење од организациите за заштита на животната околина.