Властите во САД сметаат дека банката ФБМЕ на Кипар е поврзана со терористичката група Хезболах, објавија денеска кипарските медиуми.
Центрталната банка на Кипар веќе го презела управувањето со ФБМЕ, која е основана на Кипар во 1982 година како филијала на Федералната банка на Либан.
Преку филијалата на ФБМЕ на Кипар се извршувале 80 проценти од банкарските зделки. Централата на банката се наоѓа во Танзанија.
Во извештајот на финансиската мрежа ФинЦЕН се наведува дека банката ФБМЕ работеле со сириски фирми вмешани во финансирањрто на купување на оружје, во трансграничен криминал и во перење на пари.