Активностите на Израел во Газа отидоа „надвор од опсегот на самоодбрана“ и израелската влада мора „да престане со колективното казнување на луѓето во Газа“, изјави денеска кинескиот министер за надворешни работи Ванг Ји.
Тој го изјави ова во телефонски разговор со неговиот саудиски колега, принцот Фајсал бин Фархан, во време кога Израел изгледаше подготвен за копнена офанзива во Газа против Хамас, пренесува АФО.
„Израел треба сериозно да ги послуша повиците на меѓународната заедница и генералниот секретар на ОН и да престане со колективното казнување на луѓето во Газа“, додаде тој.
Ова се досега најострите коментари на официјален Пекинг за последниот конфликт меѓу Израел и Хамас.