При експлозија на гас во рудник за јаглен на југозапад во Кина, загинаа 22 рудари, а повредени се двајца, стои на сајтот на градот Чонгќинг.
Како што пренесе „Асошиејтед прес“ несреќата се случила во рудникот „Јаншитај“, кој што е во сопственост на државната компанија „Чонгќинг енерџи“.
Не е разјаснето дали се работи за експлозија, бидејќи во соопштението се наведува дека инцидентот е поврзан со гас, без да бидат наведени повеќе детали.
Кинеската агенција „Синхуа“, пренесе дека во рудникот за време на несреќата имало 28 рудари и дека шестмина сами успеале да излезат на површина, меѓу кои и двајцата повредени.
Инаку и покрај тоа што во последните години со зајакнување на безбедносните прописи се подобрува состојбата во кинеските рудници, сепак доста често се случуваат несреќи.
Е. Г.