Кинеското министерство за одбрана го отфрли како смешен извештајот на САД, во кој тврдат дека кински хакери го украле дизајнот на повеќе од 20 големи американски системи за оружје.
„Вашингтон пост“ објави извештај на американскиот Научен одбор за одбрана, во кој наведе дека помеѓу останатото е украден дизај за бомбардери и воени бродови, како и антиракетна одбрана која што е клучна за Европа, Азија и Персијскиот залив.
Портпаролот на кинеското министерство за одбрана Генг Јаншенг го отфрли извештајот за кој официјални лица од Пентагон и други американски воени лица тврдат дека застарел, пренесе „Ројтерс“.
-Кина има капацитет да произведува оружје кое што е потребно за национална безбедност-истакна Генг.
Американскиот претеседател Барак Обама ќе разговара за безбедноста на интернетот со кинескиот претседател Сијем Џинпинг, во текот на состанокот во Калифорнија идната недела, бидејќи Вашингтон е загрижен за кинеските хакерски напади врз американската воена мрежа.
Елена Георгиевска