Кина изрази силно незадоволство откако министрите за надворешни работи од Г-7 изјавија дека остро се спротивставуваат на провокациите во Источнокинеско и Јужнокинеско Море, каде што Кина има територијални спорови.
– Ги повикуваме земјите од Г-7 да ги почитуваат ангажманите, да не заземаат страна по прашања, врзани за територијални спорови, наведува кинеското МНР.
Г-7 би требало да се фокусира врз светското економско управување и соработка пред перспективата за слаб економски раст, наместо да предизвикува спорови и проблеми, додава Министерството.
По средбата во јапонскиот град Хирошима, шефовите на дипломатиите од Г-7, вчера изјавија дека се „против секакви еднострани дејствија на заканување и принуда, кои можат да ја променат состојбата на статус кво и да ја засилат напнатоста во Источнокинеско и Јужнокинеско Море“.