Кина ги поздрави најавите за преговори помеѓу Северна и Јужна Кореја, најавени во новогодишните обраќање на двајцата претседатели, како и предлогот на Северна Кореја да испрати спортисти на Зимските олимписки игри во Јужна Кореја.
– Ги забележавме позитивните сигнали во насока на подобрување на односите и учество на Северна Кореја на олимписките игри. Тоа е позитивна вест, изјави портпаролот на кинеското Министерство за надворешни работи Генг Шуанг.
Опасноста од војна помеѓу Северна Кореја и САД е најголем извор на нестабилност во регионот. Шуанг ги повика Вашингтон и Пјонгјанг да вложат напори во подобрување на билатералните односи.