Помладата сестра на бразилскиот фудбалски ас Хулк кој настапавуза за руски Зенит, Анжелика Ашаресида Виера вчера е грабната од непознати лица пред еден ресторан во Сао Паоло, во кој работела како нутриционистка.
Киднаперите ја извлекле младата девојка од возилото и набрзина ја префрлиле во нивното комбе, по што заминале во непознат правец. Хулк и неговото семејство се уште чекаат да им се јават грабнувачите и да ги соопштат и да ги соопштат нивните барања, пренесува бразилската полиција.
Напаѓачот на Зенит, кој сигурно нема да настапи вечерва во Белгија против Анделехт, се прослави летово со најголемиот трансфер од Порто во редовите на рускиот шампион за 55 милиони евра, но со тоа неговото семејство стана уште поголема мета во Сао Паоло, каде на секој два дена е киднапирана по една жртва.
Ова не е прв пат киднаперите на мета да имаат членови на семејства на славни спортисти. Пред осум години низ пеколен хорор помина Робињо, кој исплати 75 илјади долари за ослободување на неговата мајка.