Постојаниот претставник на Русија во Организацијата за безбедност и соработка во Европа (ОБСЕ), Андреј Келин денеска изјави дека САД и Европската унија немаат докази за тврдењата дека руски воени сили ја преминале границата со Украина.
Тој наведе дека постојат податоци дека Русија ги приближила своите сили до границата, но оти нема податоци оти ја преминале границата со Украина.
– Баравме да ги покажат фактите доколку ги имаат, Ништо не одговорија, посочи Келин.
Тој посочи дека изминатите неколку денови украинската армија распореди тенкови, артилерија и ракетни системи во областа Донбас и оти локалните одбранбени сили ги зајакнуваат своите позиции во очекување на напад.