Карла Шлехтова, досега одговорна за користење на европските средства во чешката Влада, е предложена за министерка за регионален развој, наместо Вера Јоурова која е номинирана за чешки комесар во Европската комисија (ЕК).
Шлехтова е предложена од здружението АНО (Опција на незадоволни граѓани), член на владината коалиција, јави дописникот на МИА од Прага.
Чешкиот премиер Бохуслав Соботка бил запознаен и согласен со предлогот за новиот член на владиниот Кабинет, а во наредните денови ќе биде информиран и претседателот на државата Милош Земан, кој треба да ја именува новата министерка на функцијата. Јоурова на новата функција во ЕК ќе биде задолжена за правните, родовите прашања и потрошувачката политика.