Американскиот рапер Канје Вест во интервју за изданието „Форбс“ денеска изјави дека својата кандидатура за претседател на САД планира да ја објави наскоро како независен кандидат. Тој додаде дека би бил подготвен да стане кандидат на Републиканската партија доколку таа не би била претставувана од актуелниот претседател Доналд Трамп.
Вест претходно на социјалната мрежа „Твитер“ соопшти дека има намера да учествува на претседателските избори оваа година во САД. Во коментарите под твитот тој доби поддршка од Илон Макс, основачот на компаниите „Тесла“ и „СпејсИкс“.
We must now realize the promise of America by trusting God, unifying our vision and building our future. I am running for president of the United States ??! #2020VISION
— ye (@kanyewest) July 5, 2020
Пеачот е во брак со Ким Кардашијан, американската популарна реалити шоу ѕвезда. Во интервјуто тој истакна дека, засега, таа и Маск се единствени советници во неговата претседателска кампања. Според изборната традиција во САД, реални шанси за избор на претседател имаат кандидатите од најголемите две политички партии, републиканската и демократската, кои оваа година ќе бидат претставувани од Доналд Трамп односно Џо Бајден.