Канадскиот премиер Џастин Трудо соопшти синоќа дека канадскиот Национален истражувачки центар Ројалмаунт ќе произведе милиони вакцини против Ковид-19, развиени од Новавакс со седиште во Мериленд.
Канадската компанија во Монтреал минатиот петок ја достави својата вакцина до Health Canada за регулаторно одобрување. Производството се очекува да почне наесен годинава, бидејќи светскиот пазар страда од доцнења во снабдувањето.
– Ова е голем чекор напред во добивањето вакцини направени во Канада за Канаѓани. Потребен ни е најголем можен домашен капацитет за производство на вакцини, изјави Трудо на прес-конференција во Отава.
– Нема да застанеме се додека секој Канаѓанец што сака вакцина не добие вакцина.
Минатото лето, Трудо обезбеди 98 милиони долари за Националниот совет за истражување на вакцини во државата. Трудо посочи дека поинфективните верзии на Ковид-19, што сега се засилуваат во Канада, значи дека мора да се воведат строги правила во текот на следните неколку недели.