Британскиот премиер Дејвид Камерон денеска изјави дека екстремистичкото насилство долго ќе остане закана.
– Ние во Британија сме соочени со слична закана, закана од фанатичен екстремизам…Тоа е закана која е со нас низа години и верувам дека ќе остане со нас уште долго, изјави тој.
Камерон вели дека државата мора да се соочи со таа закана на „секаков начин“ и оти од клучно значење е да се анализираат крвавите настани во Франција за да се извлече поука.
Италијанскиот премиер Матео Ренци кој исто така учествува во Маршот на солидарноста вели дека Европа „ќе победи пред предизвикот на тероризмот“.
– Денеска сите сме Французи, нагласи Ренци.