Американскиот федерален суд ја укина забраната за склопување истополовни бракови во Калифорнија, по одлуката на Врховниот суд кој го стави надвор од сила претходниот закон кој бракот го дефинираше како заедница помеѓу мажот и жената.
Со одлуката на федералниот суд надвор од сила е петгодишната забрана, која што со референдум беше изгласана во Калифорнија.
Само неколку минути откако беше соопштена одлуката, геј парот Пол Катами и Џеф Зарило, соопштија дека ќе се венчаат во градското собрание во Лос Анџелес.
Американскиот Врховен суд оцени дека Законот за одбрана на бракот е неуставен и дека ја нарушува еднаквоста и слободата на сите граѓани.
Елена Георгиевска