Голем јужнокорејски трговски брод со 24 членови на екипажот исчезна во реонот на Јужниот Аталнтик.
Претставник на јужнокорејската влада соопшти дека во тек е обемна операција на потрага по бродот, како и дека засега се пронајдени живи двајца членови на екипажот.
Тие биле откриени од спасувачките екипи како пловата на еден гумен сплав.
Од бродот била испратена порака дека во него навлегува вода и дека се бара помош.
Во време на упатувањето на пораката бродот се наоѓал во Атлантскиот Окена кај уругвајскиот брег, па Морнарицата на Уругвај веднаш започнала операција за потрага.
Биле повикани сите трговски бродови во тој дел од Аталнтикот, да се приклучат кон потрагата за пронаоѓање на јужнокорејскиот брод и на морнарите.
Бродот имал капацитет од 260 илјади тони и е сопственост на една компанија од Јужна Кореја, но пловел под знамето на Маршалските Острови.
Според јужнокорејската агенција Јонхап, екипажот ја сочинувале 16 Корејци и осумина Филипинци. Бродот испловил од пристаниште во Бразил.