Јапонското Министерство за одбрана соопшти денеска дека донело одлука да се откаже од непопуларните планови за поставување два копнени американски системи за ракетна одбрана. Јапонските власти претходно планираа да ги набават системите за да ја зголемат заштитата од евентуален напад од Северна Кореја.
Министерот за одбрана Таро Коно изјави одлучил да го стопира распоредувањето на системите „Еџис Ашор“, откако се утврдило дека безбедноста на една од двете локации, каде што требаше да се постават елементите на системот, не може да се гарантира без целосна преработка на компјутерските конфигурации. За тоа да се направи, би биле потребни многу време и пари.
По серија промашувања при изградбата и повторени зголемувања на цените, цената на целата програма за 30-годишно функционирање и одржување се зголеми на 4,1 милијарди американски долари (450 милијарди јени), предизвикувајќи широко незадоволство во земјата.
Коно рече дека Јапонија веќе потрошила 1,7 милијарди долари за двата система, но додаде дека дел од нив не се потрошени напразно, бидејќи системите се исти како оние кои ги користат јапонските дрстосувачи.