Полициската станица во Западен Спрингфилд објави дека, во соработка со полицијата на округот Монтгомери, уапси двајца малолетници осомничени дека упаднаa во продавница за оружје во Спрингфилд, САД.
Инцидентот се случи вчера рано наутро во 01:21 часот, кога се вклучи аларм во продавницата за оружје „Доминион дифенс“, соопшти локалната полиција.
Пристигнувајќи на местото на настанот, полицајците ја затекнале влезната врата скршена и констатирале дека е украден поголем број огнено оружје.
Истрагата открила дека три лица со возило го пробиле влезот во продавницата, па влегле внатре и украле оружје. Тие потоа побегнале со „тојота тундра“, а потоа украле „хјундаи тусон“ пред да се упатат кон државата Мериленд.
Двајца малолетни осомничени беа уапсени благодарение на брзата реакција на полицијата на округот Монтгомери.
Третоосомничениот се уште е во бегство. Пронајдени се неколку украдени оружја.
Во истрагата е вклучена и Федералната агенција за алкохол, тутун, оружје и експлозиви.