Израелскиот премиер Бенјамин Нетанјаху изјави дека не донел одлука за евентуален напад врз Иран, но во исто време ја потврди официјалната позиција за правото на Израел да се заштити.
Не сум донел одлука за евентуален напад врз иранските нуклеарни објекти, изјави Нетанјаху.
Премиерот го потврди правото на Израел да се заштити од секаква закана за неговата безбедност и постоење. Тој истакна дека судбината на Израел „зависи единствено од самите Израелци и од никоја друга земја, колку и да е пријателска“, алудирајќи на САД.
На прашањето за информациите во медиумите дека Генералштабот на армијата, шефовите на разузнавачката служба Мосад и на службата за внатрешна безбедност Шин Бет се против напад на Израел врз Иран без поддршка на САД, Нетанјаху одговори дека „во една демократија политичките лидери носат одлуки, а војската ги извршува“.