Израелскиот Парламент даде прелиминарна согласност за законот кој ќе овозможи ретроактивна легализација на еврејските населби изградени на приватно палестинско земјиште на окупираниот Западен Брег.
Таквата мерка за САД, што ја промовираше израелскиот премиер Бенјамин Натанјаху, ја оцени како „загрижувачка“ додавајќи оти истата може да „го поплочи патот за легализација на голем број населби изградени без дозвола од израелската Влада“.
Државниот обвинител на Израел изјави дека легализацијата не е во согласност со меѓународното право.
Законот мора да помине повеќе гласања во Парламентот пред да стане важечки, а тој процес може долго да потрае.