Израелски воени авиони гранатираа повеќе локациии на северот од Појасот Газа, но засега нема информации за жртви, јавија светските агенции.
Воените авиони извршиле напади источно од градот Бејт Ханун, источно од градот Газа, и северно од градот Бејт Лахи, а сите се наоѓаат во северниот дел од Појасот Газа, јави палестинската агенција Вафа.
Израелските сили тврдат дека нападот следел како одговор на ракетите истрелани од Газа врз населба во близина на границата меѓу Израел и Газа.