Израелската армија негира дека нејзините сили се одговорни за денешните напади врз најголема болница во Појасот Газа и паркот во Газа.
Армијата соопшти дека палестинските екстремисти погрешно истрелале ракети и оти тие треба да бидат обвинети.
Претходно, началникот на палестинската брза помош Ајман Сахабани изјави дека најмалку десет луѓе загинаа, а 46 се повредени при израелскиот воздушен напад врз еден парк во Газа.
Паркот се наоѓа во близина на најголема болница во Појасот Газа. Вработените во болницата тврдат дека израелска ракета денеска погодила една зграда од комплексот.
Во нападот е погодена зградата која се наоѓа во близина на главниот влез на болницата Шифа, тврдат болнички извори, а на репортерите им е забрането да снимаат.