Израел побара Русија да не и го продава на Сирија усовршениот противвоздушен систем С-300, кој би му помогнал на претседателот Башар ал Асад да спречи евентуална странска воена интервенција, соопштија израелски официјални претставници.
Весникот „Волстрит џурнал“, цитирајќи американски претставници, вчера објави дека Израел ги информирал САД дека Сирија веќе започнала со плаќање на 900 милиони долари за откуп на С-300, а првата испорака е предвидена за следните три мисеци.
Системот С-300 уништува авиони и ракети на растојание од 200 километри.
Изразуваме незадоволство за оваа продажба пред Русите и Американците да го направат истото, истакна израелски официјален претставник.
Аналитичарот од специјализираното издание за воени прашања „Џејнс“ Роберт Хјусон изјави дека дури Сирија и да ги добие системите С-300, веројатно ќе и бидат потребни неколку месеци за да ги употреби.