Израелскиот министер за одбрана, Израел Кац, денес изјави дека секој лидер назначен од иранскиот режим да го замени убиениот ајатолах Али Хамнеи ќе биде „недвосмислена цел за елиминација“.
– Секој лидер назначен од иранскиот режим да го предводи планот за уништување на Израел, закана кон САД, слободниот свет и земјите од регионот и угнетување на иранскиот народ ќе биде недвосмислена цел за елиминација, рече Кац во соопштението, објавено од „Тајмс оф Израел“.
Тој додаде дека „не е важно какво е името или каде се крие“ и рече дека Израел, заедно со своите американски партнери, ќе продолжи да дејствува „со полна сила“ за да „ги демонтира можностите на режимот и да создаде услови иранскиот народ да го собори и замени тој режим“.