Израелската Влада одобри фондови за ограда која ќе биде подигната на дел од источната граница на земјата со Јордан.
Премиерот Бенјамин Нетанјаху денеска изјави дека оградата ќе биде долга 30 километри и дека ќе почне од Ејлат на Црвено Море. Тој наведе дека целата ограда ќе биде на израелска територија и нема да го крши суверенитет на Јордан. Планот за изградба на оградата е во координацијам со јорданските власти.
Израел и Јордан потпишаа мировен договор во 1994 година.
Во последните неколку години Израел подигна ограда на границата со Египет за да го спречи доаѓањето на африканските имигранти и на Голанската Висорамнина за да спечи продор од Сирија.
Се проценува дека оградата ќе чини две милијарди шекели (околу 500 милиони долари).