Израел објави основање на 22 нови еврејски населби во окупираниот Западен Брег, вклучително и легализација на веќе изградени пунктови без владини дозволи, соопшти денес Министерството за одбрана.
Министерот за одбрана Израел Кац рече дека одлуката „го зајакнува израелското присуство во Јудеја и Самарија“ – како што израелските власти го нарекуваат Западниот Брег – и претставува „решителен одговор на палестинскиот тероризам“, објави АП.
Тој додаде дека тоа е и „стратешки потег што го спречува формирањето на палестинска држава што би ја загрозила безбедноста на Израел“.