Израел изврши вчера воздушен напад врз Појасот Газа, првиот по осумдневната војна во ноември, соопшти исламското движење Хамас, кое ја контролира палестинската територија, а него информираа и израелските власти.
– Авиони на окупаторите бомбардираа отворен регион во северниот дел на Газа, нема ранети, се наведува во соопштението на Министерството за внатрешни работи на Хамас.
Портпаролот на изралските воени сили потврди дека имало напад врз Газа, но изнесе повеќе детали.
Израелските воени сили претходно вчера изјавија дека Палестинците истрелале три ракети кон Израел. Две од нив паднале во Газа, а една експлодирала на отворен простор во јужен Израел, при што нема жртви и не е предизвикана материјална штета. Ниту една од палестинските организации не ја презеде одговорноста за ракетните напади.