Израел ги отфрли дипломатските понуди од Либан да ја запре ескалацијата на офанзивата против милитантната група Хезболах, барајќи разговорите да се одржат „додека конфликтот продолжува“, изјавија три неименувани извори запознаени со ова прашање.
Разговорите не се одржаа поради несогласувања околу редоследот на операциите, при што Бејрут бара прекин на огнот пред да може да се одржи каков било состанок, додека израелската влада сака да разговара само за можноста за прекин на огнот, објави Ројтерс.
Вкупниот број на жртви во Либан се искачи на 486, објавија либанските државни медиуми.
Во извештајот на државната новинска агенција ННА, повикувајќи се на либанското Министерство за здравство, се вели дека 1.313 лица се ранети, објави Би-Би-Си.
