Израел го обвини Иран за нападот со дрон врз танкер во близина на Оман

Од:

Израел денеска го обвини Иран дека вчера со беспилотно летало нападнал израелски танкер за нафта во близина на брегот на Оман.

Компанијата „Истрн пацифик шипинг“ (Eastern Pacific Shipping), во сопственост на израелскиот милијардер Офер Идан, соопшти дека е погоден еден од нејзините товарни бродови. Во инцидентот нема жртви.

Според бродската компанија со седиште во Сингапур, бродот „Пацифик циркон“ бил погоден од проектил што предизвикал мала материјална штета, но не дошло до истекување на нафта. Бродот пловел под знамето на Либерија и бил на пат од Оман за Аргентина.

Израелски официјален претставник за германската новинска агенција ДПА изјави инцидентот е „дел од иранските напори за дестабилизација на регионот“, „провокација“ во пресрет на претстојниот Мундијал во Катар.

Според него танкерот бил нападнат од дрон Шахед-136. Иран неодамна и продаде ваков тип на беспилотни летала на Русија.

Чести се нападите врз товарните бродови во сопственост на Израел во Омански Залив. Израел за нападите секогаш го обвинува главниот непријател Иран.

Извор: МИА

Би можело да ве интересира

Најмалку деветмина Палестинци убиени во акција на израелската армија во Џенин

А1он

Иран воведе нови санкции против ЕУ и Велика Британија

Ана Ололовска

Ираелските сили демолираа куќа на Палестинец осомничен за убиство на еврејка

А1он

Се очекува ЕУ да воведе нови санкции против Иран поради задушување на протестите

Ана Ололовска

Израелската армија уби 14-годишен Палестинец за време на операција во бегалски камп

А1он

Иран го погуби поранешнот заменик министер за одбрана обвинет дека шпиунирал за Британија