Израел ги прими останките на двајца заложници за кои претходно милитантната група Хамас објави дека починале за време на нивното заложништво во Газа, соопштија денес израелски официјални лица.
Останките беа префрлени во Израел преку Меѓународниот комитет на Црвениот крст и ќе бидат испратени во националната форензичка лабораторија за официјална идентификација, соопшти канцеларијата на премиерот Бенјамин Нетанјаху во соопштението, пренесува CNN.
„Напорите за враќање на нашите заложници продолжуваат без прекин и нема да престанат додека не се врати и последниот“, соопшти владата.