Израелското Биро за борба против тероризмот ги повика сите израелски државјани итно да го напуштат Синајскиот Полуостров во Египет по добиените информации дека се подготвуваат напади врз нив.
Според наша информација терористички групи од Појасот Газа и други елементи ги продолжуваат напорите за извршување многу брзо терористички напади, најмногу киднапариња, врз израелските туристи во Синај, се наведува во соопштението од Бирото.
Во текстот, исто така, им се препорачува на сите Израелци да не патуваат кон полуостровот до следната препорака.
Според информациите на израелската државна телевизија моментално стотици израелски туристи престојуваат на брегот на Црвеното Море на Синајскиот Полуостров.
Синај, каде се наоѓаат најпосетените летувалишта во Египет, е многу населен со бедуини, кои долго време беа маргинализирани за време на владеењето на Хосни Мубарак. Несигурноста во овој регион многу се зголеми по соборувањето на Мубарак во февруари минатата година.