Израел доби одобрение од САД, Египет и Катар да ги нападне целите на Хамас на израелската страна од таканаречената „Жолта линија“, која ја дели зоната контролирана од Израел од де факто Појасот Газа управуван од Хамас, откако истече рокот за Хамас да ги повлече своите борци од источниот Појас Газа.
Одобрението дошло откако Египет и Катар го информирале Хамас дека имаат рок од 24 часа да ги повлечат своите борци од источниот Појас Газа или ќе се соочат со акција од страна на израелските сили, а тој рок истече вчера 20 часот по локално време.
Во изјавата на функционерот не се споменува Турција, која исто така учествува во посредувањето за прекинот на огнот во Газа.
Анкара, која е меѓу најгласните критичари на израелската политика на меѓународната сцена, наводно не сакала да биде поврзана со одлуката да му се даде „зелено светло“ на Ерусалим за напад врз Хамас.
Извор запознаен со настаните за „Тајмс оф Израел“ изјави дека линијата за демаркација сè уште не е целосно имплементирана на терен и дека војниците не се секогаш сигурни каде точно се протега во одредени делови од Газа, бидејќи таа беше воспоставена пред само неколку недели како дел од договорот за прекин на огнот.