Израел денеска комплетно ги укина „зелените пропусници“ што е прдолжување на трендот за укинување на мерките против Ковид-19 со оглед дека бројката на новозаразени е во стабилен пад.
Ковид-потврдите со кои се докажува дека лицето е вакцинирано, прележало ковид или има негативен тест парцијално беа укинати во Израел од 4. февруари. Од тогаш ковид-потврдите беа потребни само за во некои јавни места како ноќни клубови и за големите објекти за прослави.
Израелскиот премиер кој рече дека бранот омикрон е завршен, вели дека родителите сепак ќе мораат да ги тестираат децата двапати седмично и дека и натаму ќе бидат неопходни негативни ковид тестови за поста во старските домови.
Во текот на прет5ходниот бра, Израел воведе политика наречена „живот со ковид“ што обозможи одвивање на стопанските и економските активности. Училиштата во најголем дел беа отворени и покрај тоа што често имаше прекини во наставата поради случаи на зараза и на изолации.