Иванка Трамп, најстарата ќерка на претседателскиот кандидат Доналд Трамп, вечерва по обидот за атентат врз него изјави дека го сака, денес и засекогаш.Таа им се заблагодари на сите што се молат за нејзиниот татко и за другите жртви на пукањето на предизборниот митинг во Пенсилванија.
Thank you for your love and prayers for my father and for the other victims of today’s senseless violence in Butler, Pennsylvania. I am grateful to the Secret Service and all the other law enforcement officers for their quick and decisive actions today. I continue to pray for our…
— Ivanka Trump (@IvankaTrump) July 14, 2024
„Благодарна сум на Тајната служба и на сите безбедносни агенции за брзата и одлучна реакција. Продолжувам да се молам за нашата земја.Те сакам тато, денес и засекогаш!“, напиша таа на социјалната мрежа Х.
Поранешниот претседател Доналд Трамп денеска беше повреден во пукотница на неговиот митинг во Батлер, Пенсилванија. По истрелите, Трамп падна на земја. Тој беше подигнат од обезбедувањето и имаше крв на лицето, кај десното уво. Обезбедувањето се собра околу него, а тој за кратко време стана и ја подигна дланката во тупаница, упатувајќи знак дека е добар.
Едно лице присутно на митингот загина, двајца се тешко повредени, а пукачот беше застрелан.