Италијанската флота спаси околу 500 имигранти крај бреговите на Сицилија во операција, која траела во бурното море цела ноќ. Меѓу спасените има сто деца.
Имигрантите биле натоварени на две бротчиња, врзани едно за друго, бидејќи моторот на едниот не работел.
Повеќето имигранти се од Сирија, Египет и Бангладеш.
Меѓународната организација „Спасете ги децата“, изрази загриженост поради големиот број деца без старател.
Од почетокот на годината во Италија пристигнале над 20.000 имигранти, што е десет пати повеќе од истиот период минатата година.