Првиот Италијанец инфициран со ебола, лекар кој денеска пристигна во Рим од Сиера Леоне, се наоѓа на одделението за изолација во една римска болница.
Педесетгодишниот лекар од Сицилија е префрлен со авион на воениот аеродром во Пратика ди Мареу во специјално запечатена единица, а потоа со амбулантно возило е одвезен во институтот Лазаро Сплацани.
Италијанското Министерство за здравство денеска треба да одржи прес-конференција на која ќе ги објави деталите за неговата состојба.
Лекарот, чие име е Фабрицио (а презимето не му е објавено) работел на клиника за жртви од ебола, кога се заразил со овој вирус, кој од почетокот на годината кога изби неговата епидемија во западна Африка, однесе речиси 5.500 човечки животи.
Тој отпатувал во Сиера Леоне на 18 октомври и требал во Италија да се врати во петок. Работел со уште 25 италијански лекари, сестри и логистички персонал и сите тие живееле заедно во три куќи со мали соби и заеднички простор.