Италијански лекар кој работел во Сиера Леоне, стана првиот Италијанец заболен од ебола, соопшти денеска италијанското Министерство за здравство.
Во соопштението се посочува дека примероци земени од лекарот потврдиле дека тој е инфициран од вирусот на еболата, по што веднаш е пренесен на лекување во Рим.
Лекарот, чие име не е соопштено, бил ангажиран од невладината организација „Имерџенси“.
Тој ќе биде лекуван во Националниот институт за инфективни болести „Лаѕаро Спаланцани“ во Рим.
Италијанската министерка за здравство Беатриче Лоренцин информира дека лекарот во текот на минатата ноќ имал треска и други симптоми на еболата, но дека веќе претпладнево се чуствувал подобро.
Лоренцин нагласи дека биле преземени сите мерки за да се обезбеди сиргурен транспорт на пацинетот во Италија.