Во акција на италијанската полиција запленети се 300 килограми марихуана, чија вредност на нарко пазарот е над два милиони евра. Според полицијата дрогата била открина во магицински простор во еден трговски центар во Порте ди Катаниа. Дрогата од Албанија била прошверцувана со моторен чамец до Италија, со крајна дестинација Сицилија.
Уапсени се седум лица меѓу нив двајца албански државјани. Сите се уапсени во мигот кога двајцата албански државјани ги пречекале петте други лица, Италијанци, кои со две возила требало да ја преземат дрогата.
Во одделна акција италијанската полиција во градот Пуља запленила 13 килограми хероин и го уапсила албанскиот државјанин Таулант Ходај, во чиј стан била откриена дрогата. Истиот, полицијата го следела подолг период и открила дека е дел од криминална група која шверцува дрога од Албанија за Италија.