На една Италијанка, која со месеци избегнувала лекари поради страв од коронавирусот, ѝ бил откриен и отстранет тумор со широчина од 70 сантиметри и тежок 20 килограми.
– Пациентката крајно се плашела од „ковидот“, па избегнувала прегледи и покрај неповолните симптоми. Со месеци, отокот растел сѐ дури жената, конечно, не решила да отиде на гинеколог. Ова резултирало со потврда на дијагнозата за карцином, изјави вчера д-р Џовани Венаречи, раководител на одделот за хирургија во болницата „Кардарели“ во Неапол.
Жената имала успешна операција и сега заздравува во својот дом.
– Сè помина најдобро што можеше, додаде хирургот.
Лекарите од болницата во Неапол го лоцирале туморот кај карлицата на 64-годишната жена.