Италијанскиот секретар за европски прашања, Сандро Гоци и порача на Ангела Меркел дека е за жалење тоа што реформите кои што ги воведе италијанскиот премиер Матео Ренци ги оценила како недоволни.
-Италијанската влада никогаш себеси не си дозволила да ја оценува ситуацијата во другите држави членки на ЕУ и истото го бара и од Германија -истакна Гоци.
Тој напомена дека Меркел „би можела повеќе да се фокусира на германските потреби, односно недостаток на инвестиција или нерамнотежа на платен биланс.
Инаку Меркел претходно оцени дека се недоволни реформите кои ги покренаа Франција и Италија, недела дена откако Брисел побара од овие две држави да ги подобрат своите финансии.
Е. Г.