Лекарката која го откри новиот сој на коронавирусот за германски медиум откри со какви притисоци се соочувала поради откривање на вистината за сојот омикрон.
Анѓелика Куце, докторката која го откри сојот омикрон и ги лечеше првите пациенти заразени со овој сој, даде интервју за германскиот магазин Велт, во кој ги кажа досега непознатите детали за притисокот на кој била изложена по нејзиното откритие.
Таа тврди дека „никој во Европа не сакал да слушне дека омикрон е блага варијанта на ковид“, и дека била под притисок на неколку Влади, да не зборува за тоа на тој начин.
„Ми беше речено да не зборувам јавно дека омикрон предизвилува блага болест. Бараа од мене да се воздржам од изјавите од таков вид и дека треба да зборувам дека станува збор за сериозна болест. Го одбив тоа“, рече докторката.