Исламските милиции тврдат дека ја презеле контролата врз вториот најголем град во Либија, Бенгази, откако ги поразиле воените единици, ги презеле воените бараки и заплениле тенкови, ракети и стотина кутии со муниција.
– Нашите сили се единствени во Бенгази, рече денеска командантот на една од милициите во Советот на револуционери во Бенгази.
На видео снимката која ја постави групата, Мухамед ал-Захави, која се наоѓа на чело на милицијат Ансар ал-Шари, им честита на своите следбеници на „победата и освојувањето“.
Милициите се борат против силите на лојалниот генерал Калифи Хифтер, кој се обидува да ги скрши екстремистичките милиции.