Ирската Влада соопшти дека следната година, во мај или јуни, ќе организира референдум за абортусот, кој сега е нелегален освен во случај кога има закана за животот на мајката.
– Владата се согласи за програмата на референдумот за уставните промени, вклучувајќи референдум за осмиот амандман, се наведува во денешното соопштение на Владата.
Со осмиот амандман се гарантира „правото на живот“ на ембрионот, имајќи предвид „еднакви права за животот на мајката“.
На референдумот, Ирците ќе одлучат дали абортусот треба да се легализира „во речиси сите случаи“.
Комитетот за човекови права при Обединетите нации минатиот јули побара државата да ја укине забраната на абортуси.