Tурското Министерство за одбрана соопшти дека балистичка ракета испукана од Иран се движела кон турскиот воздушен простор пред да биде соборена.
Скај њуз објави дека воздушната одбрана на НАТО во источниот Медитеран ја соборила ракетата, која поминала низ ирачкиот и сирискиот воздушен простор.
Нема жртви или повредени.
Министерството за одбрана во Анкара во соопштението изјави дека „иако Турција се залага за регионална стабилност и мир, таа е целосно способна да ја заштити својата територија и граѓаните, без оглед на изворот или потеклото на каква било закана“.
– Сите потребни чекори за одбрана на нашата територија и воздушен простор ќе бидат преземени решително и без двоумење. Повторуваме дека го задржуваме правото да одговориме на секој непријателски чин насочен против нашата земја. Ги повикуваме сите страни да се воздржат од дејствија што би можеле дополнително да го ескалираат конфликтот во регионот – соопшти турското министерство.
Во соопштението се додава дека „Турција ќе разговара со НАТО и другите сојузници по инцидентот“.